हङकङ, २२ बैसाख
म्याग्दी प्रवासी नेपाली संघ (मोना) हङकङद्वारा नेपालकी महिला राष्ट्रिय भलिवल खेलाडी अरुणा शाही सम्मानीत भएकी छन् । पिप्ले गाविस -३, म्याग्दीकी शाहीलाई लाई एक औपचारिकका बीच म्याग्दी प्रवासी नेपाली संघ (मोना)ले सम्मान गरेको हो ।
महिला राष्ट्रिय भलिबल स्पाइकर अरुणा शाहीले स्याङजा जनसेवा समिति हङकङले आयोजना गरेको नवौं स्याङ्जा कप भलिबल प्रतियोगितामा सहभागी हुन हङकङ आएकी थिईन् । उनको सम्मान र भेटघाटको लागी मोनाले कार्यक्रम तय गरेको थियो ।
मोना ,आइसीका प्रमुख संरक्षक प्रकाश पुनको प्रमुख आतिथ्यमा भएको उक्त कार्यक्रममा सम्मानीत भएकी शाहीले आफ्नो खेल जीवनको बारेमा बताउनुका साथै र( मोना) हङकङले आफुलाई सम्मान गरेकोमा खुशि ब्यक्त गरेकी थिईन् ।
कार्यक्रममा विशेष अतिथि मोना आइसीका सचिव तथा (मोना) हङकङका संस्थापक अध्यक्ष तुल्मराज रामजाली, अतिथिहरुमा मोना हङकङका सल्लाहकार कर्ण पुन,श्रीसन मल्ल र राजेन्द्र श्रेष्ठ लगाएत कार्यसमितिका पदाधिकारी तथा सदस्यहरु, मोना महिला विभाग र मोना साँस्कृति विभागका पदाधिकारी तथा सदस्यहरुको पनि उपस्थिती रहेको थियो ।
(मोना) हङकङको तर्फबाट अध्यक्ष ईन्द्र एलजी थापामगर,संस्थाको तर्फबाट कोषाध्यक्ष ज्ञानेन्द्र थापाले मोना महिला विभागको तर्फबाट उपप्रमुख रुपा रामजालीले लगाएतले अरुण शाहीलाई उपहार पनि प्रदान गरेका थिए ।
Leave A Comment