(हरिकृष्ण गौतम)
जिल्लाको विभिन्न सामुदायिक विद्यालयमा विद्युतीय पुस्तकालय स्थापना गर्न म्याग्दी प्रवासी नेपाली संघ र नेपाल लाईबे्रेरी फाउण्डेशन नेपाल विच सम्झौता भएको छ । जिल्लाका सामुदायिक र क्याम्पसमा निशुल्क विद्युतीय पुस्तकालय संचालन गर्ने सम्झौतामा गैरआवासीय नेपाली संघ ई– लाईब्रेरी कार्यदलका प्रमुख तथा मोना आइसीका बरिष्ठ उपाध्यक्ष विनाद कुँवरको विषेश उपस्थितीमा मोना आइसीका कोषाध्यक्ष चक्र बहादुर थापा र नेपाल लाईबे्ररी फाउण्डेशनका महासचिव तथा कार्यक्रम संयोजक धन बहादुर श्रेष्ट विच हस्ताक्षर भएको हो ।
सम्झौता पत्रमा एनआरएनए लाईबे्ररी कार्यदलसंग हातेमालो गर्ने गरी प्राविधिक सहयोग लाईब्रेरी फाउण्डेसन र अन्य ब्यवस्थापन मोनाले गर्ने गरी पुस्तकालयलाई आवश्यक पर्ने डिभाइस बक्स सम्बन्धित विद्यालयले खरिद गर्ने सम्झौता भएको मोना आइसीका कोषाध्यक्ष थापाले बताए । ‘म्याग्दीको शैक्षिक क्षेत्रमा यो सम्झौता कोशेढुंगा सावित हुने छ । आधुनिक पुस्तकालयले विद्यार्थी, शिक्षक देखी समाजलाई नै फाईदा पुग्छ’ थापाले भने । पुस्तकालयका बारेमा सदरमुकाम बेनीमा विद्यालय र शिक्षा संग सरोकार राख्ने निकाय विच भेला गरी महत्वका बारेमा थप प्रष्ट पारिने समेत उनले बताए ।
सामुदायिक विद्यालयका शिक्षक,विद्यार्थीको इन्टरनेट सहित कम्प्यूटरको प्रयोगमा कम चासो जाने गरेको अवस्थामा माध्यामिक तहका विद्यालयमा अफलाइनको माध्यमबाट सहजै अध्ययन गर्न सकिने पुस्तकालय स्थापनाको अभियानमा मोना आइसीले विगतदेखीनै सक्रियता देखाएको थियो । पुस्तकालयमा ८ हजार पुस्तक, अडियो, भिडियो, सामुदायिक विद्यालयका निमावी तहका पाठ्यक्रम,सीप र ज्ञानमुलक, ब्यवहारिक सहित शिक्षक देखी अभिभावकसम्मलाई लक्षित गरेका पुस्तकहरू कम्यूटरको माध्यमबाट विना इन्टरनेट समेत डाउनलोड गरेर पढ्न सकिन्छ ।
विद्यालयले आवश्यक कम्प्यूटर, कोठा सहित ब्यवस्थापन गरेमा प्रति विद्यालय १ लाख ५० हजारमा जडान गर्न सकिन्छ ।ज्ञान,भाषाको विकास, आफै सिक्ने क्षमता, पढ्ने बानी र ब्यक्तित्व विकासमा समेत पुस्तकालयलाई पुरक विद्यालयका रुपमा चिनिन्छ । जिल्लामा ई– पुस्तकालय स्थापना गर्न मोना आइसी सहित विभिन्न निकायबाट सहयोगको प्रतिबद्धता समेत जनाइएको छ । म्याग्दीमा रुम टु रिड नेपाल मार्फत ९९ विद्यालयमा पुस्तकालय स्थापना भइसकेको छ ।
Leave A Comment